श्री अमित भिडे यांची जन्मभूमी जरी इचलकरंजी असली तरी त्यांच्या कर्मभूमी खूप आहेत भारतात आणि परदेशात त्यांनी अनेक ठिकाणी काम केले आहे जसे की पुणे औरंगाबाद भोपाळ इंदोर मुंबई बेंगलोर त्याचबरोबर भूटान, ओमान आणि यूएई मधील अबूढाबी आणि दुबई. इचलकरंजीतील प्रख्यात अशा भिडे कुटुंबीयांमध्ये जन्म घेऊन देखील स्व कर्तुत्व सिद्ध करण्यासाठीच सुरुवातीला अक्षरशः सायकलवरून उदबत्ती विकून आपल्या अर्थार्जनाची सुरुवात केली. त्यानंतर पंढरपूर मध्ये पार्ले जी कंपनी मध्ये त्यांनी काम केले त्याठिकाणी ते एरिया मॅनेजर म्हणून काम करत. स्वतःचे काम उत्कृष्टपणे करत असल्यामुळे त्यांना पुण्यामध्ये टाटा इंडिकॉम या नामवंत कंपनीमध्ये त्यांना काम करण्याची संधी मिळाली.